Starfsfólk LaserSjónar tekur vel á móti þér

Sérfræðingar LaserSjónar, þeir Þórður Sverrisson, Eiríkur I. Þorgeirsson og Keith Warren Fogg hafa gert sjón-lagsaðgerðir á rúmlega sex þúsund manns og þar af leiðandi um tólf þúsund augum.

LaserSjón er í dag ein af stærri Lasik aðgerðastöðvum á Norðurlöndunum og hafa læknar fyrirtækisins því skipað sér sess á meðal reyndari manna í röð kollega sinna á Norðurlöndum.

EIRÍKUR I. ÞORGEIRSSON

eirikur
Sérfræðingur í laseraðgerðum

Eiríkur I. Þorgeirsson útskrifaðist frá Læknadeild Háskóla Íslands 1980. Hann stundaði framhaldsnám í augnlækningum við háskólasjúkrahúsiðí Uppsölum í Svíþjóð frá 1982. Starfaði sem sérfræðingur í augnlækningum og yfirlæknir á augndeild Akademíska háskólasjúkrahússins í Uppsölum í Svíþjóð til 1989. Hann hefur frá heimkomu rekið eigin auglæknastofu í Kringlunni í Reykjavík, ásamt öðrum augnlæknum, og starfað sem sérfræðingur í augnskurðlækningum á St. Jósefsspítala í Hafnarfirði, á augndeildinni á Landakoti, síðar Landspítalanum Háskólasjúkrahúsi og nokkrum sjúkrahúsum og einkastofum í Svíþjóð. Eiríkur hefur sótt sérmenntun í sjónlagsaðgerðum bæði í Evrópu og Bandaríkjunum. Hann hefur framkvæmt yfir 6000 sjónlagsaðgerðir (maí 2008)við nærsýni, fjarsýni og sjónskekkju. Þar er um að ræða allar tegundir sem eru gerðar, Lasik, Lasek, PTK, PRK og Zyoptix ("wavefront customized ablation").

ÞÓRÐUR SVERRISSON

thordur
Sérfræðingur í laseraðgerðum

Þórður Sverrisson útskrifaðist frá Læknadeild Háskóla Íslands 1980. Hann nam augnlækningar við augndeild Landakotsspítala og háskólasjúkrahúsið í Bergen. Þórður hefur starfað sem sérfræðingur við augndeild Landakotsspítala, augndeild Sjúkrahúss Reykjavíkur og nú síðast á Landspítalanum, Háskólasjúkrahúsi. Hann hefur jafnframt um árabil rekið augnlækningastofu í Reykjavík.

Sérsvið Þórðar er laseraðgerðir á augum og hefur hann framkvæmt yfir 6000 sjónlagsaðgerðir (maí 2008). Þar er um að ræða allar tegundir sem eru gerðar, Lasik, Lasek, PTK, PRK og Zyoptix ("wavefront customized ablation")

KEITH WARREN FOGG

KEITH
Sérfræðingur í augnskurðlækningum. Fellow of the European Board of Ophthalmology (FEBO)

Keith útskrifaðist frá læknadeild Christian Albrechts Universität í Kiel Þýskalandi 2002. Deildarlæknir á Augndeild LSH árið 2005. Sérnám í augnlæknisfræði á Centrallasarett Västmanlands í Västerås Svíþjóð 2006 til 2010. Evrópskt sérfræðipróf í augnlækningum 2010 (EBOD).

Hefur rekið augnlæknastofu í Reykjavík ásamt öðrum augnlæknum frá 2011.

Keith hefur framkvæmt augasteinsaðgerðir frá 2008 og er annar tveggja sem framkvæmir þær aðgerðir fyrir Lasersjón. Hann hefur sótt sérmenntun í laserlækningum í Evrópu og hefur framkvæmt laseraðgerðir við nærsýni, fjarsýni og sjónskekkju (LASIK og Zyoptix “wavefront customized ablation”) frá 2010.

EVA MARÍA GUNNARSDÓTTIR

evamaria
Skrifstofustjóri

Hafdís Þórisdóttir

Sjúkraliði